குறிப்புக்கள் - (Notes)
வேறுபாடுகள் - (Pathanthara)
⁶ - வந்தி₃த ராமசந்த்₃ர - ⁶வந்தி₃த ஸ்ரீ ராமசந்த்₃ர.
Top

மேற்கோள்கள்
² - குல பி₃ருது₃லனு பொக₃டி₃ன - குல விருதுகளைப் புகழ்ந்த. விபீடணனுக்கு அடைக்கலம் அளிக்கையில், இராமன், 'கண்வ ரிஷி'யின் புதல்வரான 'கண்டு ரிஷி'யின், கீழ்க்கண்ட சொற்களை, மேற்கோள் காட்டி, அதுதான் தனது குலத்தின் கோட்பாடு என்று உரைத்தான். வால்மீகி ராமாயணம் யுத்த காண்டம் (18-வது அத்தியாயம், செய்யுட்கள் 27-32) நோக்கவும்.
Top

• "கைகூப்பிக்கொண்டு, தன் வாயிலடைந்து, அடைக்கலம் வேண்டும் தீனனை, அவன் பகைவனேயாகிலும், வதைக்கலாகாது.
• துயரத்தினாலோ, செருக்கினாலோ, பிறரிடமிருந்து தன்னிடம் சரணடைந்தவனை, மனத்தினையடக்கியவர்கள், தனது உயிரைக் கொடுத்தாகிலும் காப்பர்.
• அச்சத்தினாலோ அல்லது மோகத்தினாலோ அல்லது ஆசையினாலோ, சரணடைந்தவனை, தனது திறமையினால், காவாதவனின் பாவத்தினை, உலகம் தூற்றும்.
• காப்பதற்குத் திறமையிருந்தும், சரணடைந்தவன் காக்கப்படாது, கண் முன் உயிர் துறந்தால், சரணம் கொடுக்காத அவனின் புண்ணியங்களையெல்லாம் அவன் கவர்ந்து செல்கின்றான்.
• இவ்விதமாக, அடைக்கலம் வேண்டியவனைக் காவாத பெருங்குற்றத்தினால் சுவர்க்கத்தினை இழப்பதுடன், தனது வலிமையையும், வீரியத்தினையும் இழப்பான்.
• 'கண்டு'வின் இந்த சிறந்த அறிவுரையினை நான் கடைப்பிடிப்பேன். அதுவே நன்னெறியாகும், புகழ் தரும், நல்வினையினால் சுவர்க்கத்தினையும் அளிக்கும்."

விளக்கம்
பல்லவிக்கு, தனிப்பட, பொருள் கொள்ள இயலாது; அனுபல்லவியுடன் இணைத்தே பொருள் கொள்ள இயலும். எனவே, பல்லவி, அனுபல்லவி என தனித்தனியாகக் கொடுக்கப்பட்டிருப்பது தவறென்று நான் கருதுகின்றேன்.

¹ - மன்னிந்துனு - இந்த தெலுங்கு சொல்லுக்கு 'மன்னித்தல்', 'மதித்தல்' என்று பொருள்களுண்டு. பொதுவாக, இச்சொல் 'மன்னித்தல்' என்ற பொருளிலேயே வழங்கும். ஆனால், இவ்விடத்தில் அத்தகைய பொருள் பொருந்தாது. ஏனென்றால், விபீடணனை, இராமன் மன்னிக்குமளவுக்கு, அவன் தவறு ஏதும் இழைக்கவில்லை. எனவே, இச்சொல்லுக்கு 'மதிப்பேன்' என்று பொருள் கொள்ளப்பட்டது.
Top

³ - வஜ்ர - இவ்விடத்தில், இச்சொல், 'வாலி'யைக் குறிக்கும். ஆனால், இச்சொல்லுக்கு அத்தகைய பொருளேதும் இல்லை. இந்திரனின் ஆயுதமாகக் கருதப்படும் 'இடி', 'வஜ்ரம்' எனப்படும். இச்சொல்லுக்கு, 'பிளக்கமுடியாத அளவுக்குக் கடினமானது' என்றும் பொருளுண்டு. வாலியின் மார்பு, பிளக்கமுடியாதது எனப்படும். எனவே, அத்தகைய பொருளில், தியாகராஜர் இச்சொல்லினைப் பயன்படுத்தியிருக்கலாம். அல்லது கீர்த்தனையில் தவறு ஏதும் இருக்கலாம்.

⁴ - முர ஹரி - 'ஹரி' என்ற சொல், அரியினைக் குறிக்கும். அரி (கண்ணன்), 'முரன்' என்னும் அரக்கனை வதைத்ததனால் 'முரஹர' என்றும், 'முராரி' என்றும் அழைக்கப்படுவான். ஆனால், 'முர ஹரி' என்று கொடுக்கப்பட்டிருப்பதனால், 'ஹரி' என்ற சொல்லுக்கு, இவ்விடத்தில், (முரனை) 'வதைத்தவன்' என்று பொருளாகும்.

குல விருதுகள் - குலத்தின் கோட்பாடுகள்
பரிதி மைந்தன் - சுக்கிரீவன்
முரனை வதைத்தவன் - அரி
Top